في ظل حاله التوهان وزحمة اللينكات والدائري واقف بقاله ساعتين وأنت تايه مش عارف تتعلم آيه ولا آيه ! أدامنا جابولك الحل .. كورس الجامعة الأمريكية لتعليم الأنجلش للمبتدئين في 3 مستويات …German TV Lessons
التعبير الأمثل للكورس ده هو “متعه الأنجلش” .. هتتعلم أزاي كلمات بسيطة زي ?what is your name و Nice to meet you. ليها نطق صحيح رائع … غير النطق اللي أتعلمناه مع ميس هالة في أبتدائي، ده أحنا طلعنا مبنتكلمش أنجليزي. 
وعشان كده كان من اللازم تتعلم آي لغة من ناطقيها الأصلين .. عشان بعد كده متقابلش مشكلة إن أنت مش قادر تفهم الكلام في الأفلام الأجنبي رغم إن لو الكلام مكتوب في الترجمة بالأنجلش بتفهمه عادي.
Molly Stone مصنفة علي أنها the best English teacher .. أحنا مش بنشكر فيها لكن يكفيك تعرف إن عدد مشاهدات الكورس علي الـ Youtube وصلت لـ 5,787,731 +مشاهد، كمان Molly بتكتب علي البورد عشان تقدر تشوف وتقراء اللي بتسمعه وكمان بتتفاعل مع الـ Students وهما بيجاوبوها.
فعلياَ أنت لو أنتظمت علي الكورس ده بمعدل ساعة يومياَ لمده شهر هتلاقي تحسن كبير وتطور ملحوظ. (وعلي فكره مش كتير ساعة في اليوم، شوف أنت بتضيع كام ساعة كل يوم وشيل ساعة واحده منهم أتعلم فيها). ^_^
كمان لازم تبقي عارف إنك مش هتبقي زي عبقرينو من يوم وليلة، تعلم آي لغة محتاج صبر ومداومة وممارسة بأستمرار.
– ودي Screenshots للكورس ( أضغط علي الصورة للتكبير ).
:الكورس مقسم لـ 3 مستويات
Beginner, Elementary and Intermediate
وكل مستوي مقسم لعده Lessons، وكمان الكورس Online علي اليويتيوب تقدر تفتح وتتعلم في آي وقت وأنت في بيتك، مش محتاج أكتر من كوباية النسكافية وورقه وقلم وعيش. ^_^
– الكورس :
English For You | Beginner 30 Lesson
English For You | Elementary 30 Lesson
English For You | Intermediate 20 Lesson
Share وفيد غيرك 